Limonada e freskët të kënaq në ditët e nxehta vere si asgjë tjetër. Kjo pije freskuese e verës ka erë të mrekullueshme dhe shije të përsosur! Sot, kemi vendosur t’ju tregojmë një sekret se si ta bëni një limonadë më të shijshme sesa ato që i pini në kafene apo restorante.
Sekreti qëndron tek portokalli dhe dy limonët. Për më tepër, këta përbërës ju dhurojnë saktësisht 3 litra limonadë. Mund ta konsumoni aq sa të dëshironi dhe kur të dëshironi.
Përbërësit:
- 1 portokall
- 2 limonë
- 1 filxhan sheqer
- 3 litra ujë
Si ta përgatitni?
Lani portokallin dhe limonët mirë. Prisni në kube të vogla. Hiqni farat brenda. Vendosni në qese frizi dhe futni në friz për t’u ngrirë.
Më pas hiqni nga frizi, lërini në temperaturë dhome dhe vendosni në bluarës.
Hidhni sheqerin.
Dhe më pas bluani mirë me bluarësin elektrik.
Merreni përzierjen e fituar që duket si pure dhe vendosni me një enë, shtojani ujin dhe përzieni mirë. Lëreni ashtu për 10 minuta.
Kullojeni mirë lëngun, duke e transferuar gradualisht gjithë përzierjen në shishe xhami.
Limonada juaj është gati! Shërbejeni të ftohtë! Ju bëftë mirë! /Pergatit.com