Gratë duhet ta nisin ditën me një gotë ujë të ngrohtë në mëngjes

Bota ka njerëz të ndryshëm. Ka të atillë që e duan ujin e ngrohtë, dhe ka të atillë që e duan ujin me disa kube akulli në të. Uji luan një rol të rëndësishëm në mirëqenien tonë, prej kujdesit ndaj lëkurës e deri tek tretja më e mirë – dhe madje evitimi i migrenës.

Sipas shkencës, temperatura e ujit që konsumohet është shumë e rëndësishme. Në mjekësinë e lashtë kineze për shembull, uji cilësohet se sjell më së shumti përfitime kur konsumohet i ngrohtë.

Shumë njerëz në botë kanë shprehitë e tyre të zakonshme gjatë mëngjesit, ata fillojnë ditën e tyre me një filxhan çaj apo kafe për të arritur qetësimin apo edhe për të qenë më të relaksuar gjatë mëngjesit. Ndërsa nëse ju jeni prej atyre të cilët pinë nga një gotë ujë esëll, atë ju e pini pothuajse të ftohtë apo jo?

Por ndoshta nuk e keni ditur se nëse ju pini ujë të ngrohtë veçanërisht në mëngjes kur jeni me stomakun bosh, mund të keni mjaft përfitime shëndetësore në trupin tuaj.

Konsumimi i ujit të ngrohtë në çdo mëngjes kur keni stomakun bosh, ju sjell të mira në pastrimin e organeve tuaj tretëse, duke përmirësuar kështu tretjen e po ashtu bën që toksinat dhe bakteret e dëmshme të largohen nga trupi juaj duke arritur kështu një rezultat për metabolizëm të shëndetshëm.

Pirja e të paktën një gote ujë të ngrohtë në mëngjes, lehtëson edhe dhimbjet të cilat ju bëjnë të ndiheni jo këndshëm gjatë ditës. Sjell përmirësimin e qarkullimit të gjakut dhe ngadalëson procesin e plakjes.