Nëse keni milingona nëpër shtëpi, mjafton të vendosni pakëz kanellë në zonat ku ato përqëndrohen dhe milingonat do të largohen. Kjo sepse, siç shpjegon David Wolfe, aroma e kanellës e cila është mjaftë e fortë edhe për njerëzit, për milingonat është shkatërrimtare.
Aktualisht, këta mysafirë të bezdisshëm mund të kenë filluar festën në shtëpinë tuaj. Ju përpiqeni t’i zhdukni një nga një këto insekte të vogla por ato vazhdojnë të shfaqen ditën tjetër dhe tashmë janë kthyer në një acarim të vërtetë për ju.
Këto insekte të vogla punëtore mund t’i largoni me metoda të ndryshme pasi ato fillojnë të shfaqen kudo, në kuzhinë, në dhomën e gjumit apo edhe në dhoma të tjera.
Padyshim e dini se milingonat tërhiqen nga ushqimi dhe për shumë njerëz kthehen në një makth të vërtetë. Sigurisht gjëja më e mirë që ju mund të bëni për të ndaluar milingonat të hyjnë në shtëpinë tuaj është duke larguar dhe mbyllur mirë sheqerin, bukën dhe të gjithë ato lloj produktesh që i tërheqin ato.
Megjithatë për të eliminuar mysafirët e padëshiruar ekzistojnë disa mënyra efektive dhe natyrale duke shmangur kështu dhe kimikatet që ndikojnë negativisht në mjedis. Por mënyra më e mirë dhe që ju kryen punë menjëherë është ajo me kanellë.
Këto insekte të vogla punëtore orientohen përmes aromës, por një aromë e fortë si ajo e kanellës, i çorodit shqisat e tyre, duke i bërë të largohen.
Për të qenë më të sigurt, vini pakëz kanellë nëpër cepat e mureve të shtëpisë dhe milingonat nuk do të duan kurrë më të kthehen. /pergatit.com