Qepa e re kultivohet në bashqet kineze që prej para 5,000 viteve. Bile, egjiptianët e lashtë thoshin se koka e qepës simbolizon kozmosin.
Nëse e shikojmë nga aspekti i ushqyesve, qepa e re është ushqimi ndoshta më i mirë që mund ta konsumoni këtë pranverë. Ajo është e mbushur me vitamina K dhe C, dhe është një burim shumë i mirë i vitaminës A.
Nëse dëshironi që recetat tuaja të bëhen edhe më të shijshme, ju sugjerojmë që ushqimeve tuaja t’u hidhni qepë të reja – të njoma. Gjithashtu, qepën mund ta shtoni në perime, si lulelakra dhe patatja.
Pasi karakterizohet me shije shumë të lehtë ndryshe nga të gjitha format e tjera të qepës, qepa e re në mënyrë të shkëlqyeshme kombinohet me të gjitha llojet e sallatave.
Ajo përdoret me të madhe në kuzhinat botërore, si pjesë thelbësore të ushqimeve por edhe si dekorim. Qepa e re është bimë jashtëzakonisht ushqyese, e cila organizmit i ofron shumë përparësi shëndetësore.
Ajo është e pasur me vitamina dhe minerale të cilat ndihmojnë në shërimin e shumë sëmundjeve të ndryshme. Qepa ul nivelin e sheqerit në gjak, lufton problemet me zorrë, shëron ftohjen dhe gripin, lehtëson tretjen dhe përshpejton qarkullimin e gjakut në organizëm.