Përbërësit për kremin maskarpone
- 500gr maskarpone
- 3 të kuq të vezëve
- 100gr sheqer
- 50ml ujë
Për tortën
- Biskota 250gr
- 250gr krem të lëngshëm
- 500gr djathë maskarpone
- 100ml kafe të ftohtë
- 6gr xhelatinë
- 20ml qumësht
- Pluhur kakaoje për shije
Kjo recetë e tiramisusë është e lehtë dhe shumë e shijshme. E lehtë dhe e shpejtë për t’u përgatitur, pa nevojën për ta pjekur, kjo tortë mbetet deserti më i mirë sidomos për raste festive.
Si ta përgatitni?
![](https://www.pergatit.com/wp-content/uploads/2020/12/1.jpg)
Së pari vendosni të kuqtë e vezëve në një enë, shtoni gjysmën e sheqerit dhe filloni t’i rrihni me mikser.
![](https://www.pergatit.com/wp-content/uploads/2020/12/2.jpg)
Në një tigan për sos, shtoni ujin dhe sheqerin e mbetur, më pas zieni derisa të arrijë një temperaturë prej 120 gradë C.
![](https://www.pergatit.com/wp-content/uploads/2020/12/3.jpg)
Vendoseni sheqerin e karamelizuar mbi vezët e rrahura dhe vazhdoni përzierjen.
![](https://www.pergatit.com/wp-content/uploads/2020/12/4.jpg)
Zbuteni maskarponen me një shpatull.
![](https://www.pergatit.com/wp-content/uploads/2020/12/5.jpg)
Shtoni maskarponen në krem, duke e shtuar nga pak kohë pas kohe.
![](https://www.pergatit.com/wp-content/uploads/2020/12/6.jpg)
Përzieni kremin dhe ngadalë vendoseni në përzierje.
![](https://www.pergatit.com/wp-content/uploads/2020/12/7.jpg)
Xhelatinën zbuteni në ujë të ftohtë. Shtrydheni dhe lëreni të tretet në qumësht pak të ngrohtë dhe më pas shtojeni në kremin e maskarponës. Lëreni të pushojë në frigorifer për një orë.
![](https://www.pergatit.com/wp-content/uploads/2020/12/8.jpg)
Tepsinë e ngjashme me atë që e shihni në foto, shtrojeni me letër kuzhine dhe futni biskotat në kafen e ftohtë dhe radhitni ata nëpër skaje.
![](https://www.pergatit.com/wp-content/uploads/2020/12/9.jpg)
Më pas hidhni një shtresë të kremit, mbulojeni me biskota dhe vazhdoni të bëni kështu çdo strese derisa tepsia të mbushet.
![](https://www.pergatit.com/wp-content/uploads/2020/12/10.jpg)
Mbulojeni në fund me shtresën e fundit të biskotave dhe lëreni të pushojë në frigorifer për 5-6 orë.
![tiramisu](https://www.pergatit.com/wp-content/uploads/2020/12/torta-di-biscotti-al-tiramisu.jpg)
Pasi të pushojë, kthejeni tortën në një enë tjetër dhe spërkateni sipër me pluhur kakaoje. Priteni në pjesë dhe shërbejeni shumë të ftohtë. Ju bëftë mirë!
Këshillë shtesë: Doza e kësaj recete është për tepsi 22cm të gjatë. Torta mund të qëndrojë në frigorifer, e mbështjellur mirë, për 2-3 ditë.