Përbërësit: 6 të verdha të vezës, 130gr sheqer, 500ml krem për gatim, 1 lugë gjelle kafe, ujë i vluar, aromë vanilje, 500gr djathë maskarpone, 300gr biskota për tiramisu, kakao, neskafe.
Përgatitja: Fillimisht marrim një enë kuzhine (tenxhere) e mbushim me ujë dhe e vendosim në zjarr që të vlojë deri sa të liroj avull, më pas në një enë tjetër kuzhine shtojmë 6 të verdhat e vezës dhe më pas enën ku i kemi vendosur vezët e vendosim sipër tenxheres me ujë dhe i tretim vezë në avull duke i përzier me tel kuzhine ashtu siç e shikoni në video.
Shtojmë tek vezët 130gr sheqer, i përziejmë vazhdimisht deri sa të shkrihet sheqeri ashtu mbi avull. Më pas e largojmë enën nga avulli dhe e lëmë me një anë që të ftohet, shtojmë në një enë tjetër 500ml krem për gatim dhe e përziejmë me mikser deri sa të fitojmë një krem të trashë.
Më pas në një enë shtojmë një lugë gjelle kafe dhe ujë të vluar ashtu si në video, shtojmë dhe aromë vanilje dhe e përziejmë me tel kuzhine. Pastaj marrim kremi e gatimit që e kemi përzier me mikser dhe e shtojmë tek vezët që i kemi tretur më parë në avull, shtojmë 500gr djathë maskarpone dhe i përziejmë mirë së bashku me mikser.
Pastaj marrim një tepsi të thellë në formë katrore ashtu siç e shikoni në video, marrim 300gr biskota për tiramisu dhe i lagim një nga një në kafe me ujë të vluar duke i renditur në tepsi. Sipër biskotat i lyejmë me kremi e përgatitur më parë duke e shtrirë mirë në të gjithë sipërfaqen e biskotave. Pasi i kemi lyer me krem sipër hedhim kakao duke e shpërndarë me anë të një site.
Më pas shtresën e dytë të biskotave e lagim në neskafe, i rendisim një nga një si më parë sipër kremit dhe kakaos. Pastaj sipër biskotat i lyejmë me pjesën tjetër të kremi duke e shtrirë kremin mirë në të gjithë sipërfaqen e biskotave dhe përsëri shtojmë sipër kakao. Ëmbëlsirën e lëmë për 4-6 orë në frigorifer, më pas e largojmë nga frigoriferi e presim në copëza katrore dhe e shërbejmë. Ju bëftë mirë!