Përbërësit:
4 vezë, 5 lugë sheqer, 4 lugë miell, një lugë kakao, një pluhur për pjekje.
Kremi i bardhë:
500ml ajkë e ëmbël, 100gr sheqer pluhur, 200gr çokollatë e bardhë.
Glazura:
100gr çokollatë për zierje, 2 lugë vaj, 2 lugë qumësht.
Përgatitja:
Tunden të bardhat e vezës në shkumë të fortë dhe gradualisht gjatë përzierjes shtohet sheqeri. Shtohen një nga një edhe të verdhat e vezës. Shtohen pastaj mielli i përzierë me pluhurin për pjekje dhe kakao.
Të gjitha përzihen me tel dore, ngrohet furra në 200 gradë C dhe masa qitet në kallepin për pjekje të lyer me yndyrë dhe të përmillur. Kallepi me dimenzion 25×25 cm. Pandsipanjen e pjekur dhe të ftohur tërësisht e ndajmë në mes dhe fitojmë dy shtresa horizontalisht.
Për kremin ngrohim 250ml ajkë të ëmbël gati sa të vloj dhe në këtë qesim çokollatën e copëtuar në mënyrë që të shkrije më shpejtë. Derisa shkrihet çokollata, ajkën e kemi larguar nga zjarri. Pasi çokollata shkrihet e lëmë të ftohet dhe më pas e fusim në frigorifer për 2 orë.
Në ndërkohe tundim ajkën e mbetur 250ml me shqerin pluhur dhe pasi ajka me çokollatën veq është ftohur ia shtojmë edhe ajkën me sheqerin pluhur të tundur. Në kallepin në të cilin është pjekur torta qesim pjesën e parë të pandispanjes.
Mbi të qesim krejt kremin e bardhe të tundur. Pastaj qesim përsipër edhe pjesen e dytë të pandispanjës. Pasi ëmbëlsira të jetë ftohur për dy orë në frigorifer, përsipër qesim çokollatën e shkrirë me 2 lugë vaj dhe 2 lugë qumësht.
Nese kremi i bardhë nuk është mjaftueshëm i trashë mundet të shtohet një qese zhelatin kokërr të cilën e lëmë në pak ujë të vakët për 10 minuta dhe pastaj rritet temperatura e ujit por jo të vloj.
Pastaj pasi të jete trashur pak zhelatinë, marrim dy lugë nga kremi i bardhë, ia shtojmë zhelatinës përziejmë mirë dhe më pas këtë përmbajtje me zhelatinë dhe krem ia shtojmë pjesës tjetër të kremit të bardhë në mënyrë që dendësia e kremit të jetë më e sheshtë. Pastaj kjo ëmbëlsirë lihet për 3-4 orë në frigoriferë, dhe shërbehet.
Ju bëftë mirë !