Përbërësit: 4 vezë, 150gr sheqer, 200gr lajthia të bluara, 50gr çokollatë kuzhine, 50gr miell, 1 pluhur për pjekje (pecivë).
Për fillin: 500ml hopla (për ëmbëlsira), 10 lugë të sheqerit kapuqino, 5 lugë të sheqerit sheqer pluhur, 2 pako shllag (për trashjen e hoplas), 2 pako sheqer vanile.
Përgatitja: Fillimisht marrim një enë kuzhine dhe shtojmë vezët dhe sheqerin. I rrahim pak me tel kuzhine ose mikser dhe më pas shtojmë 200gr lajthia të bluara dhe 50gr çokollatë kuzhine.
I rrahim përsëri pak me tel kuzhine dhe më pas në fund shtojmë miellin dhe pluhurin për pjekje (pecivën). Nëse dëshironi që torta të jetë më e madhe dyfishoni përbërësit.
Pasi masa të jetë gati e qesim në tepsi dhe e fusim në furrë për pjekje. E pjekni në temperaturë 200 gradë C por e testoni vazhdimisht me një rrëmojce se a është pjekur mjaftueshëm.
Pasi torta të piqet e largojmë nga furra dhe e lëmë që të ftohet, ndërkohë përgatisim fillin. Në një enë shtojmë hoplën, kapuqinon përbërësit e tjerë dhe i rrahim të gjitha së bashku me mikser deri sa të trashet filli.
Më pas kur torta tashmë është ftohur, ia hedhim sipër fillin duke e shtrirë ngdalë me lugë dhe krejt në fundë sipër i shtojmë çokollatë të grimcuar. Receta u mor nga maniakë të kuzhinës dhe u përgatit nga Deshira. Ju bëftë mirë!
