Xhenxhefili është një nga erëzat më të njohura që nga kohërat e lashta. Ai konsiderohet si një nga ushqimet më të shëndetshme të natyrës, pasi ka shumë përfitime për shëndetin.
Tashmë është bërë e zakonshme që xhenxhefili të pihet në formën e çajit. Por, a e keni ditur se uji i xhenxhefilit mund t’i japë energji shtesë trupit dhe ta forcojë metabolizmin?
Në këtë artikull do ta gjeni një recetë për ujin e xhenxhefilit, i cili do t’ju ndihmojë shumë për shëndetin. Pasi ta mësoni recetën dhe të mirat e saj, shpërndajeni atë edhe me të tjerët, që edhe ata ta mësojnë, shkruan pergatit.
Për ta përgatitur ujin e xhenxhefilit, ju duhet: xhenxhefil i prerë në feta të holla, 1.5L ujë dhe lëng limoni.
Më pas, merreni ujin dhe vlojeni eh pastaj shtoni fetat e xhenxhefilit. Lëreni ashtu për 15 minuta dhe më pas largojeni tenxheren nga nxehtësia. Përzieni mirë dhe shtoni lëngun e limonit.
Të pini ujë xhenxhefili dy herë në ditë mund ta forconi me të vërtetë trupin tuaj. Nëse e pini para mëngjesit, në bark të zbrazët, dhe përsëri në mbrëmje para darkës, mund të përfitoni shumë.
Për qindra vjet, xhenxhefili është përdorur për qëllime mjekësore dhe nuk është e vështirë të kuptohet pse. Kjo erëz ka shumë përfitime, si:
Forcon sistemin imun – Xhenxhefili përmban shumë anti-oksidantë dhe gjithashtu vepron edhe si anti-inflamator. Është opsioni më i mirë kur është fjala për forcimin e sistemit imun. Nëse keni grip, xhenxhefili është zgjidhja më e mirë!
Për qetësim të stomakut – Xhenxhefili mund të përdoret për lehtësimin e tretjes, pasi stimulon zorrët dhe rritë prodhimin e enzimave tretëse. Përveç kësaj, mund të përdoret për të qetësuar stomakun, reduktuar formimin e gazrave dhe për të parandaluar kapsllëkun.
Për lehtësim të dhimbjeve menstruale – Xhenxhefili jo vetëm që është një qetësues natyral i dhimbjeve për muskuj dhe kyçe, por ai mund të përdoret edhe për dhimbje menstruale. Në një studim, 150 gra pinë xhenxhefil gjatë menstruacioneve – dhe rezultati tregoi se kjo erëz ishte më e dobishme se ibuprofeni.