Kjo ëmbëlsirë me limon është aq e shijshme dhe aroma e saj është fantastike. Do habiten me shijen e saj, provojeni patjetër!
- 3 vezë
- 12 lugë gjelle sheqer
- 12 lugë gjelle qumësht
- 12 lugë gjelle vaj lule dielli
- 12 lugë gjelle miell tip 00
- 1 limon
- pak kripë (me majë të gishtave)
- 1 lugë çaji pluhur për pjekje (baking powder)
Koha e përgatitjes:
- 15 minuta
Pjekja:
- 40-45 minuta në 180 gradë C
Përgatitja:
Në një enë kuzhine hedhim vezët, sheqerin dhe i përziejmë me mikser derisa të bëhet një masë homogjene. Më pas shtojmë qumështin, pak kripë, lëngun e limonit, e përziejmë për pak me tel kuzhine dhe shtojmë lëvoren e limonit të grirë në rende, vajin dhe përsëri e përziejmë për pak me tel kuzhine.
Bashkojmë miellin me pluhurin për pjekje dhe e shtojmë tek masa e përgatitur, e përziejmë përsëri mirë me tel kuzhine dhe më pas e vendosim në tepsi të lyer me vaj dhe të përmiellur.
Pasi e kemi shtrirë masën në tepsi e fusim në furrë për pjekje. Kur ëmbëlsira të piqet e presim në copëza katrore, e spërkasim sipër me sheqer pluhur dhe e dekorojmë me feta limoni.
Receta e ilustruar me foto:
![](https://www.pergatit.com/wp-content/uploads/2022/09/in-una-ciotola-aggiungi-uova-e-zucchero.jpg)
![](https://www.pergatit.com/wp-content/uploads/2022/09/mescola-gli-ingredienti-liquidi.jpg)
![](https://www.pergatit.com/wp-content/uploads/2022/09/aggiungi-la-farina-e-ottieni-una-pastella-omogenea.jpg)
![](https://www.pergatit.com/wp-content/uploads/2022/09/versa-limpasto-nello-stampo.jpg)
![](https://www.pergatit.com/wp-content/uploads/2022/09/taglia-la-torta-in-quadrotti-e-decora-con-zuchero-a-velo-e-fettine-di-limone.jpg)
![](https://www.pergatit.com/wp-content/uploads/2022/09/torta-12-cucchiai-1024x768.jpg)
Ju bëftë mirë!