Nuk menduat se do digjeshit për aq pak kohë nën diell, por tani dëmi është bërë. Shmangni këto gabime që e bëjnë atë edhe më keq.
Veshja e rrobave të ngushta
Pasi të keni marrë rrezet e dielli, duhet ta lini tuaj të marrë frymë. “Mbajtja e veshjeve të shtrënguara mbi lëkurën e djegur nga dielli është absolutisht e gabuar, sepse inflamacioni po zhvillohet”, thotë Dr Shereene Idriss, Dermatologe kozmetike.
“Trupi juaj është duke u përpjekur t’i përgjigjet traumës duke rritur qarkullimin e gjakut në atë zonë për të ndihmuar shërimin. Kjo rezulton me skuqje, ngrohtësi dhe inflamacion në atë zonë. Mbajtja e rrobave të ngushta mund t’i përkeqësojë gjërat, e cila mund të çojë në ënjtje më të madhe dhe ekspozim të mishit.”
Përdorimi i aloes së aromatizuar
Aloja ka veti anti-inflamatore dhe është e mirë për lëkurën tuaj pasi të keni marrë diell. Megjithatë, duke përdorur një aloe aromatike mund ta irritoni lëkurën edhe më shumë. Kufizohuni në përdorimin e aloe pa aromë ose përdorni aloe direkt nga një bimë aloe.
Të harroni të hidratoheni
Gjithmonë mbani mend hidratimin, hidratimin, hidratimin. Mund të duket si një sfidë për të marrë sasinë e ujit të rekomanduar çdo ditë, por ekzistojnë 7 mënyra të thjeshta për të qëndruar të hidratuar.
“Djegiet e dëmtojnë më shumë për trupin tuaj sesa vetëm të shkaktojnë dhimbje. Në fakt, të gjitha djegjet tërheqin lëngun drejt lëkurës dhe e shmangin nga pjesa tjetër e trupit”, thotë Dr Keith LeBlanc, Jr., dermatolog dhe themelues i Qendrës së Kirurgjisë së Lëkurës. “Pra, sigurohuni që të pini ujë në sasi extra, lëngje dhe pije për disa ditë dhe vini vesh për çdo shenjë të dehidrimit”.
Mbulimi i saj me make-up
Edhe pse djegiet nga dielli mund të duken me të vërtetë të shëmtuara, mos e mbuloni me makeup. E vetmja mënyrë që djegja të shërohet është nëse e lejoni lëkurën tuaj të marrë frymë.
“Futja e përbërjeve të ndryshme përmes sfungjerëve ose furçave të ndotura do të rrisë rrezikun tuaj për infeksion ose reaksion alergjik, gjë që përfundimisht do të bëjë gjithçka më të shëmtuar”, thotë Dr Idriss.
Rrjepja ose kruarja e lëkurës tuaj
Kur lëkura juaj fillon të zhvishet, kjo do të thotë se po fillon të shërohet dhe është e rëndësishme që të mos ndërhyni në atë proces. “Le të bjerë lëkura natyrisht,” thotë Dr LeBlanc.
Shpuarja e flluskave
Ngjashëm me mos kruarjen e lëkurës tuaj, ju kurrë nuk duhet t’i shponi flluskat. Kjo flluskë ekstra e lëkurës i shërben një qëllimi shumë të rëndësishëm në mbrojtjen e plagës.
Përdorimi i produkteve shtresëzuese
Përdorimi i produkteve shtresëzuese, ose ato që përmbajnë acid glycolic, retinoid, ose acid salicylic është jashtëzakonisht e dëmshme për lëkurën tuaj, sidomos kur ajo është në një gjendje të dobët djegieje. Sapo lëkura të pushuar së rëni, prisni rreth tre ditë para se të përdorni ndonjë nga këto produkte.
Përdorimi i kremërave me bazë alkooli
Sigurohuni kur të aplikoni krem ose aloe për djegien tuaj nga dielli që nuk është me bazë alkooli. Kjo do të sjellë më shumë dëm sesa dobi. “Alkooli është i njohur për heqjen e vajrave natyrore në lëkurën tonë. Kur aplikohet mbi një djegie, alkooli do të zvogëlojë aftësinë e lëkurës tuaj për të shëruar veten “, thotë Dr Idriss.
Mos përdorimi i ilaçeve menjëherë
Është e rëndësishme që të merrni diçka për të zvogëluar atë inflamacion në minutën që shihni shenja të djegieve nga dielli. Anti-inflamatorët e lehtë të tillë si ibuprofen ose aspirina ndihmojnë në zvogëlimin e inflamacionit dhe dhimbjes.
Përdorimi i kremrave më baza kimike
Natyrisht ju doni të shmangni qëndrimin e drejtpërdrejtë nën rrezet e diellit pasi të jeni djegur, nëse keni nevojë të dilni, sigurohuni që të përdorni krem dielli dhe ri-aplikojeni disa herë për aq kohë sa jeni jashtë. Një gabim që shumë njerëz bëjnë është të përdorin një krem dielli me bazë kimike. Vendosja e kimikateve në lëkurën e djegur mund të jetë irrituese.
Zgjedhni një krem dielli të tillë që në listën e përbërësve tregojnë një përqendrim të lartë të oksidit të zinkut (rreth 9% ose 10%), i cili do të jetë qetësues në lëkurë.