Pula me kërpudha është një pjatë e dytë e shpejtë dhe e shijshme, e përkryer për çdo drekë apo darkë familjare. Është një pjatë e thjeshtë për t’u përgatitur, e shoqëruar me një porcion oriz ose disa feta bukë, për një vakt të plotë dhe të ngopshëm, që do të tërheqë të rinj dhe të mëdhenj.
Përbërësit:
- Gjoks pule i prerë në feta për 6-8 persona
- verë e bardhë e thatë
- 100ml vaj ulliri ekstra i virgjer për shije
- miell tip 00 për shije
- piper për shije
- kërpudha 500gr
- ½ e qepë
- ½ majdanozë i freskët i copëtuar
- kripë
Përgatitja:
Prisni qepën dhe skuqeni në një tigan me pak vaj
I lyeni me miell fetat e gjoksit të pulës nga të dyja anët, duke i hequr miellin e tepërt
I transferojmë fetat në tigan
I radhisim në mënyrë që të mos mbivendosen me njëra-tjetrën dhe më pas i fërgojmë në zjarr të fortë për 1-2 minuta
Ktheni fetat që të gatuhen edhe nga ana tjetër
Kur të jenë skuqur mirë i përziejmë me verën e bardhë
Vazhdoni gatimin që vera të avullojë
Ndërkohë i presim kërpudhat në feta rreth gjysmë cm të trasha
Shtoni kërpudhat në tigan, i rregulloni me kripë dhe piper dhe vazhdoni zierjen
Përziejini herë pas here dhe lëreni ujin e lëshuar nga kërpudhat të avullojë
Pasi të fërgohet mishi dhe kërpudhat, aromatizojini me majdanozin e freskët të grirë hollë
Dhe dreka është gati për tu shërbyer. Ju bëftë mirë!
