Receta e ëmbëlsirës së famshme cinnamon rolls

Përbërësit për role me kanellë (cimet,cinnamon): 300ml ujë, 50gr margarinë i shkrirë, 600gr miell, 50gr sheqer, pak kripë, 10gr tharm buke. Për fillin: 50gr margarinë i shkrirë, 100gr sheqer i kaftë (bën edhe sheqer normal), 10gr kanellë (cimet). Për glazurën: 250gr sheqer pluhur, 12gr djathë krem i butë (abc),  2 lugë gjelle margarinë i shkrirë, 4 lugë gjelle qumësht, 1 lugë gjelle ekstrakt vanilje.

Përgatitja: Nga përbërësit e cekur më lart përgatisim brumin dhe e lëmë me një anë që të bymehet, në momentin që e shihni që brumi është gati hidheni në tavolinë të përmiellur dhe hollojeni petën në formë katrore. Më pas petën e holluar lyeni me fill, me margarinën e shkrirë dhe më pas ia hedhim përzierjen me sheqer dhe kanellë (cimet).

E mbështjellim petën në formë roleje dhe e presim në copa prej 2cm me thikë ose me pej kuzhine pasi pritet më lehtë dhe nuk i humbë forma. Më pas rolet i rendisim në tepsi të lyer me margarine (gjalpë), dhe i lëmë ashtu në një vend të ngrohtë derisa të fryhen apo bymehen dhe pastaj i pjekim në temperaturë 180 gardë C.

Pasi të piqen i largojmë nga furra, më pas përgatisim glazurën duke përzier 250gr sheqer pluhur, 12gr djathë krem i butë (abc),  2 lugë gjelle margarinë i shkrirë, 4 lugë gjelle qumësht, 1 lugë gjelle ekstrakt vanilje, derisa të shkrihet sheqeri dhe ua hedhim roleve sipër sa janë të nxehta, bëhen shumë të buta dhe shumë të shijshme. Ju bëfshin mirë!

Na bëni Subscribe në Youtube