Përbërësit:
- 8 vezë
- 8 lugë gjelle sheqer
- 10 lugë gjelle miell
- 1 pluhur për pjekje (baking powder)
- 1 pako sheqer vanilje
Për sherbetin:
- 500 gram sheqer
- 1 liter ujë
Përgatitja e revanis:
Në një enë kuzhine shtojmë fillimisht vezët dhe sheqerin, i përziejmë 25 minuta me mikser derisa të fitojmë një masë homogjene. Pastaj tek kjo masë shtojmë miellin dhe e përziejmë masën me shpejtësi më të ulët të mikserit dhe krejt në fund shtojmë sheqer vaniljen dhe pluhurin për pjekje, duke e përzier masën edhe për 2 minuta të tjerë.
![](https://www.pergatit.com/wp-content/uploads/2021/07/204111666_4364274613604574_160659224997790370_n.jpg)
Masën e shtojmë në tepsi me dimensione 20cm me 30cm në furrën e parangrohur më parë dhe e pjekim në temperaturë 180 gradë C për 20 deri 25 minuta. Pasi të piqet revania e largojmë nga furra dhe e lëmë me një anë që të ftohet, më pas fillojmë përgatitjen e sherbetit.
![](https://www.pergatit.com/wp-content/uploads/2021/07/204696492_4364274506937918_9199620127527308588_n.jpg)
![](https://www.pergatit.com/wp-content/uploads/2021/07/203727380_4364274730271229_6156576443297118382_n.jpg)
Në një enë kuzhine shtojmë 1 litër ujë dhe 500 gram sheqer, e lëmë derisa të merr valë sherbeti dhe kur të merr valë e ziejmë edhe për 15 minuta të tjera dhe më pas ia hedhim revanis sipër. Revanin e presim në format që dëshirojmë, e lëmë të ftohet për pak dhe më pas e shërbejmë. Receta u përgatit nga zonja Benglise. Ju bëftë mirë!