misër

Të mirat që i ndodhin trupit kur hani misër

Misri është një produkt me shumë vlera që mund ta përdorni në të gjitha vaktet e ditës suaj, pasi ka një përmbajtje të lartë në karbohidrate dhe shumë fibra, njësoj si buka ose ndryshe si gruri.

Po ashtu misri është një nga ushqimet më karakteristike të kësaj stine. Mënyra më e mirë për të konsumuar misrin është në prush apo duke e zier. Me ngrënien e tij, ne përfitojmë gjithë të mirat që misri ka me bollëk si:

Vitamina C, folate dhe të kompleksit B duke përbërë kështu një ushqim të shkëlqyer për zemrën.

Antioksidantë si luteina dhe zeaksanthinë që forcojnë shikimin.

Fibra që ushqejnë veçanërisht zorrën e trashë duke përmirësuar situata si kapsllëku dhe hemorroidet!

Proteina, të cilat së bashku me fibrat ndikojnë shumë mirë edhe në rregullimin e sheqerit në gjak!

Misri gjithashtu siguron një pjesë të madhe të vlerave ditore në acid folik, një vitaminë shumë e rëndësishme që luan një rol të rëndësishëm në zhvillimin e duhur të fetusit në shtatzëninë përgjatë tremujorit të parë.